Ethiopian authorities lie about crackdown against free speech

April 29, 2014

AFP – Ethiopia said Tuesday several people had been arrested on charges of “serious criminal activities”, but rights groups identified those detained as journalists and bloggers targeted in a sweeping crackdown against free speech.

“They are suspected of some serious crimes, and the police are investigating,” government spokesman Getachew Reda told AFP, without providing details of the alleged crimes.

The journalists and a group of bloggers known as “Zone 9″ were arrested last week, prompting an outcry from rights groups.

The Committee to Protect Journalists (CPJ) called the arrests “one of the worst crackdowns against free expression” in the country, while Amnesty International said it was part of a “long trend of arrests and harassment of human rights defenders, activists, journalists and political opponents.”

Leslie Lefkow of Human Rights Watch said the “arrests signal, once again, that anyone who criticises the Ethiopian government will be silenced”, and called for their immediate release.

The arrests come ahead of a visit this week by US Secretary of State John Kerry.

“The timing of the arrests — just days before the US Secretary of State’s visit — speaks volumes about Ethiopia’s disregard for free speech,” Lefkow added.

The bloggers Zone 9 website, reportedly named after the prison where political detainees are held, listed the names of nine people arrested, saying they were charged with having worked with foreign human rights activists to foment violence or instability.

But the government dismissed the rights groups, and said those arrested were not detained for their work as journalists.

“We don’t take orders from Human Rights Watch,” Getachew said.

- Free speech ‘a crime’ -

An opposition group staged a protest on Sunday following the arrests, calling for “greater liberties and a true democracy” in Ethiopia, but police shut the 200-person demonstration down soon after it started.

HRW said 20 members of the political opposition Semayawi or “Blue” party have also been arrested since Friday, although there has been no official confirmation of exact numbers.

“With the latest arrests, Ethiopian authorities are turning the peaceful exercise of free expression into a crime,” the CPJ’s Tom Rhodes said in a statement.

Amnesty said the group had only restarted blogging last week after suspending their work for the past six months, accusing the government of harassment.

Ethiopia has been accused of cracking down on independent media and has doled out several heavy sentences for journalists charged under the controversial anti-terror legislation, which rights groups have called vague and far-reaching.

“With still a year to go before the general elections, the Ethiopian government is closing any remaining holes in its iron grip on freedom of speech, opinion and thought in the country,” said Amnesty’s Claire Beston.

In 2011, two Swedish journalists were sentenced to 11 years in jail under the law, but were later pardoned after serving 15 months.

Ethiopia has one of the most closed press environments in the world, the CPJ says. It calculates that at least 49 journalists have been forced into exile, the third worst after Somalia and Iran.

ኢህአዴግ የዞን9 ጦማሪዎችን “አገር በማተራመስ” ወንጀል ከሰሰ

ጆን ኬሪ በአዲስ አበባ – ኢህአዴግ አሁንም በሶማሊያ ያስፈራራ ይሆን?

ኢህአዴግ የዞን9 ጦማሪዎችን “አገር በማተራመስ” ወንጀል ከሰሰ

April 29, 2014 08:10 am By Editor Leave a Comment

የአሜሪካ የውጭ ጉዳይ ሚኒስትር ጆን ኬሪ የኢትዮጵያ ጉዞ በርካታ ጉዳዮች የሚከናወኑበት እንደሆነ ተጠቆመ። የዘወትር የጎልጉል ምንጭ አንዳሉት የኬሪ አዲስ አበባ ጉዞ አስቀድመው የተሰሩ ስራዎች ውጤት ነው። ጥቁሩ ሰው “ውሻ ምንም ሳይመለከት አይጮህም” ሲሉ አገር ቤት ያሉ ተቃዋሚዎች ራሳቸውን ብቃት ያላቸው አማራጮች መሆናቸውን እንዲያሳዩ ጠይቀዋል። ኢህአዴግ አሜሪካንንና የምዕራቡን ዓለም እንደለመደው “ከሶማሊያ ጦሬን አወጣለሁ” በማለት መደራደሪያ ከማቅረብ ውጪ ሌላ አቅም እንደሌለው ተገለጸ። ኢህአዴግ የዞን9 ጦማሪዎችና ጋዜጠኞች “አገር በማተራመስ” ወንጀል ክስ መሰረተባቸው።

የድረገጽና የማህበራዊ ገጽ የኢህአዴግ ደጋፊዎችና የስርዓቱ ተጠቃሚ አባላት ባይዋጥላቸውም አሜሪካና ኢህአዴግ የነበራቸው ግንኙነት እየሻከረ መሔዱን ጎልጉል የድረገጽ ጋዜጣ በተደጋጋሚ ሲገልጽ እንደነበር ይታወሳል። ጎልጉል የዋሽንግቶን ዲፕሎማት ምንጩን በመጥቀስ እንደዘገበው አሜሪካ ኢህአዴግን “የምስራቅ አፍሪካ ስጋት” አድርጋም ፈርጃለች። የኢትዮጵያን ጉዳይ የሚከታተለውና በስቴት ዲፓርትመንት ውስጥ የተቋቋመው የቀውስ መከላከልና ዕርቅ ቢሮ ሃላፊ ከጥር ወር ወዲህ ባሉት ጥቂት ወራት ውስጥ አራት ጊዜ አዲስ አበባ ተጉዘዋል።

ኢህአዴግ እየተከተለ ያለው ፍትሃዊነት የጎደለው አገዛዝ ኢትዮጵያን ወደ ቀውስ እንዳመራትና ይኸው ቀውስ እልባት ካልተበጀለት የምስራቅ አፍሪካን የሚያዳርስ እንደሚሆን በአሜሪካ በኩል አቋም መያዙ ኢህአዴግን እንዳስበረገገው ተንታኞች እየገለጹ ነው። የምስራቅ አፍሪካ “የሰላም አባት ነኝ የሚለው ኢህአዴግ በውስጣዊ የፖለቲካ ቀውስ ስለሚገኝ የመወላለቅ ችግር ሳይገጠመው በፊት አሜሪካ አስቀድማ ስራዋን መስራት መጀመሯ ከራሷ ጥቅም አንጻር ነው” ሲሉ ዲፕሎማቱ እንደቀድሞው ሁሉ ሳይሸሽጉ ተናግረዋል። የኬሪ ጉዞም የዚሁ አካል እንደሆነ አስታውዋል። “ኢህአዴግ” አሉ ዲፕሎማቱ “የቀለም አብዮት እያለ እንደሚደነፋው ሳይሆን በመጪው ምርጫ በሩን ከፍቶ ለመወዳደር ከተስማማ ብቻ የለመደው ርጥባን ይሰጠዋል የሚል ግምት አለኝ” ብለዋል።

በ97 ምርጫ ወቅት እንዳደረገው በሶማሊያ ያለውን አለመረጋጋት እንደ ማስፈራሪያ በመጠቀም ጦሩን የማስወጣት ርምጃ ቢወስድስ? በሚል ለተጠየቁት “ኢህአዴግ የመጫወቻ ካርዶቹ ያለቁበት ይመስለኛል” በማለት የግሌ ያሉትን አስተያየታቸውን ሰጥተዋል። ኢህአዴግ በምርጫ 97 ተደራደር ሲባል ጦሩን ሰብስቦ ለመውጣት በዝግጅት ላይ እንደሆነ መግለጹን የተለያዩ የውጪ አገር ሚዲያዎች መዘገባቸው አይዘነጋም።

የአዲሲቷ ኢትዮጵያ የጋራ ንቅናቄ (አኢጋን) ዋና ዳይሬክተር ኦባንግ ሜቶ /ጥቁሩ ሰው/ “ውሻ ከጮኸ የሆነ ነገር አለ ማለት ነው” ሲሉ ለጎልጉል አስተያየት ሰጥተዋል። ኦባንግ አገር ቤት የሚንቀሳቀሱ የፖለቲካ ፓርቲዎች ይህንን ጩኸት ሰምተው ህዝብን በማስቀደም ራሳቸውን አማራጭ አድርገው እንዲያሳዩ ጥሪ አቅርበዋል። አማራጭ የለም የሚለውን ፍርሃቻ በመስበር ወቅቱን ለህዝብና ለአገር ጥቅም ለማዋል እንዲተጉ አሳስበዋል። የሚመሩት ድርጅት በቅርቡ በዚህ ዙሪያ የሚለው ነገር ስላለ ዝርዝር ጉዳይ ውስጥ ከመግባት ተቆጥበዋል።

የአሜሪካ የውጪ ጉዳይ መስሪያ ቤትን በመጥቀስ የጀርመን ድምጽ እንደዘገበው ኬሪ፤ ሃይለማርያም ደሳለኝን፣ ቴድሮስ አድሃኖምንና የሚመለከታቸውን ባለስልጣናት በሰብአዊ መብት አያያዝና በዲሞክራሲ ትግበራ ዙሪያ እንደሚያነጋግሩ ማረጋገጫ መሰጠቱን ጠቁሟል። በዚሁ ዜና ላይ ቃላቸውን እንዲሰጡ የተጠየቁት አቶ ጌታቸው ረዳ ኬሪ ከሌሎች የፖለቲካ ድርጅት አመራሮች ጋር ይነጋገራሉ የሚል ስጋት እንዳለባቸው የሚያሳብቅ መልስ ሰጥተዋል። ኬሪ የዞን9 ድረገጽና ማህበራዊ ድር ጦማሪዎች እስርን አስመልክቶ የተጠየቁት አቶ ጌታቸው ረዳ ጆን ኬሪ ስለ ዞን9 አባላት እስር ሊያነሱ እንደሚችሉ ተጠይቀው “እንደምናከብረው መሪ ጥያቄውን ካቀረቡ አስፈላጊውን መልስ እንሰጣለን” ካሉ በኋላ “የዞን9 ጦማሪዎች በጋዜጠኛነታቸው አልታሰሩም” በማለት ከገጀራና ከስርቆት ወንጀል ጋር በማዛመድ ለማቃለል ሞክረዋል።

ጌታቸው ረዳ

አገዛዙ ዝም ማለቱን አስመልክቶ “የመፈንቅለ መንግስት ሙከራ ያደረገ ሴል ቢኖር መግለጫ እናወጣለን” ሲሉ የመለሱት አቶ ጌታቸው፣ ጆን ኬሪ የእስረኞቹን ጉዳይ እንዲያነሱ ያሳሰበውን ሂውማን ራይትስ ዎችን “ልማዱ ነው” ሲሉ ዘልፈዋል።

የዞን9 አባላትን ታፍኖ መወሰድና በአገር ማተራመስ ወንጀል መከሰሳቸውን የሰሙ “ኢህአዴግ ማንንም ለአገር ተቆርቋሪ ሆኖ የመወንጀል ሞራላዊ ብቃት የለውም” በማለት ነው አስተያየታቸውን የሚጀምሩት። ኢህአዴግ ከአፈጣጠሩ ጀምሮ አሁን አስከደረሰበት ደረጃ ድረስ ዜጎችን በአገር ክህደት የመፈረጅ ብቃት ከቶውንም እንደሌለው ራሱም ጭምር የሚያወቀው እውነት እንደሆነ የደረሱን አስተያየቶች ያመላክታሉ።

ያለፈው እሁድ አራዳ ምድብ አንደኛ ችሎት የቀረቡት ሶስት ጋዜጠኞችና ስድስት ጦማሪዎች በሶስት የተለያዩ መዝገቦች መከሰሳቸው የጀርመን ሬዲዮ ይፋ አድርጓል። ከታሰሩ በኋላ ከቤተሰብና ከተመልካች ተሰውረው ምርመራ ሲደረግባቸው የነበሩት የዞን9 ጦማሪዎች አስመልከቶ ወ/ሮ ሚሚ ስብሃቱ የራሳቸው በሆነው የዛሚ ኤፍ ኤም 90.7 ሬዲዮ ክስ ከመመስረቱ በፊት ስለተከሰሱበት ጉዳይ የፖሊስ ምንጭ ጠቅሰው መናገራቸውን ቪኦኤ ተናግሯል።

ወ/ሮ ሚሚን ጠቅሶ የዞን9 ጦማሪዎች አርቲክል 19 ከሚባለው ተቋም ጋር ግንኙነት ያላቸውና የተለያዩ አገራት ሄደው የሰለጠኑ መሆናቸውን፣ በአገሪቱ ትርምስ ለመፍጠር በሻዕቢያና በግብጽ በገንዘብ እንደሚረዱ ቪኦኤ በዘገበ ማግስት ነው ፖሊስ በተመሳሳይ የክስ መዝገብ የተጨማሪ ቀጠሮ ቀን የጠየቀባቸው። የዞን 9 ጦማሪዎች ኢህአዴግ ላይ ጠንካራ ትችት በመሰንዘር የሚታወቁ ናቸው።

“አርብ ሚያዝያ 17 ቀን 2006 አመሻሹ ላይ 11፡20 ገደማ ስድስት የዞን ዘጠኝ ጦማርያን አባላት ናትናኤል ፈለቀ፣ በፍቃዱ ሀይሉ፣ አጥናፍ ብረሀነ፣ ማህሌት ፋንታሁን፣ ዘላለም ክብረት እና አቤል ዋበላ በበነጋው ደግሞ ጋዜጠኛ ተስፋለም ወልደየስም በመንግስት የጸጥታ ሀይሎች ከያሉበት ተይዘዋል፡፡ታሳሪዎቹን ለመያዝ የመጡት አካላት የማሰሪያና የመፈተሻ የፍርድ ቤት ፈቃድ የያዙ መሆናቸውን መስማታቸውን በዚሁ አጭር መግለጫ ላይ ተጠቅሷል።

“ዞን 9” የጦማርያን ስብስብ አባላት ሚያዚያ 15፣2006 ባወጣነው መግለጫ ላለፉት ሰባት ወራት የዞኑ አባላት ከፍተኛ የሆነ ክትትል ሲደረግባቸው እንደነበር በጠቅላላው የተጠቆመ ሲሆን ክትትሉ የተወሰኑ የቡድኑን አባላትና የቅርብ ወዳጆችን ጭምር ያካተተ ነበር፡፡ አሁን በመንግስት የተወሰደው እርምጃ የዞኑን ተመልሶ ወደ ስራ መግባት ተከትሎ ሊሆን እንደሚችል ይገመታል ሆኖም የዞን 9 አባላትና ወዳጆች በምንም አይነት ህገ ወጥ ተግባር ላይ ተሰማርተው እንዳልነበር ለማረጋገጥ እንወዳለ” በማለት በራሳቸው የፌስ ቡክ ገጽ ላይ ዜና አሰራጭተው ነበር።

በተመሳሳይ ዜና ቻይናን “ቃል የገባሽውን ብር አምጪ” ብሎ የሙጥኝ የያዘው ኢህአዴግ “ቀለም ይፈራል” ሲሉም በቅርብ የሚከታተሉ እየተቹት ነው። “ሆድ በባሰው ቁጥር የቀለም አብዮት ” በማለት ቅስቀሳ የሚያዘወትረው ኢህአዴግ አሁን ያስፈራው የትኛው ቀለም እንደሆነ በይፋ ባይገልጽም የሰማያዊ ፓርቲ ሊቀመንበር የሆኑትን ኢንጂነር ይልቃል “ተስፋ የተጣለባቸው ወጣት መሪዎች” በሚል ተመርጠው ከሌሎች አቻዎቻቸው ጋር አሜሪካ ለስልጠናና ለልምድ ልውውጥ መጋበዛቸው፣ ወደ ስፍራው እንዳያመሩ መደረጉ፣ እንዲሁም አሁን በድፍረት የሚንቀሳቀሱና የሚያስተባብሩ መሆናቸው አንዱ የስጋት ምንጭ ሊሆን አንደሚችል ግምት አለ።

“የቀለም አብዮት ሰለባዎች” በሚል ርዕስ ኢህአዴግ ዩክሬንን አስታኮ ያሰራጨው ቪዲዮ አሜሪካንን በሽብር ስራ የማሰልጠን ክህሎት ያላት፣ ሽብርተኞች አገርን አንዲያተራምሱ በመደገፍ የሚታወቁ ተቋማት ባለቤት የሆነች አገር ብሎ መፈረጁ አይዘነጋም። ኢህአዴግ ተንታኝ አድርጎ ያቀረባቸው ጎረምሶች አሜሪካንና የምዕራብ አገሮችን ሲዘልፉ የሚያሳየው ፊልም መጨረሻው “ከፊል የዩክሬን ህዝብ ራስን በራስ በመወሰን መብቱ ተጠቅሞ የቀድሞ አካሉን ሩሲያን ተቀላቀለ” በሚል መሆኑና ጉዳዩ ከአሁኑ የኢትዮጵያ ሁኔታ ጋር ተዛምዶ መቋጨቱ የኢህአዴግን በተለይም የህወሃትን ስጋት እንደሚያጎላው የሚያሳይ እንደሆነ አስተያየት እየተሰጠበት ነው። በሕገመንግሥቱ አገር እንድትበታተን በአንቀጽ 39 በግልጽ አስቀምጦ እስካሁን ኢትዮጵያን በ“ነጻ አውጪ ግምባር” ስም የሚመራውና “የነጻ አውጪ ግምባሩን” መሪ ወደ ተባበሩት መንግሥታት በመላክ ኤርትራ ከኢትዮጵያ እንድትገነጠል ዓለምን የለመነው ህወሃት/ኢህአዴግ፤ “የቀለም አብዮት ሰለባዎች” በማለት ፕሮፓጋንዳ ሲያሰራጭ ከሶቪየት ህብረት የተገነጠለችውና የዩክሬን አካል የነበረችው ክሬሚያ ወደ እናት አገሯ ሩሲያ መመለሷን አብሮ ማሰራጨቱ ዘጋቢ ፊልሙን ዋጋቢስ የሚያደርገው መሆኑን አለማስተዋሉ በራሱ ሌላ ዘጋቢ ፊልም የሚያሰራ ነው፡፡

የወያኔ መንግስት ውሃ ለመቆፈር በሚል አርሶ አደሮቹ ከመሬታቸው እንዲለቁ የሚወስደው እርምጃ በተመሳሳይ ለአበባ እርሻ ሊሰጥባቸው እንደሆነ በማመናቸው ከመሬታቸው አንለቅም ብለዋል፡፡

ዜጎች በጎጃም መሬቸውን እየተነጠቁ፤ በወለጋ ደግሞ እየተፈናቀሉ ነው!

April 28, 2014 06:30 pm By Editor Leave a Comment

አርሶ አደሮች መሬታቸውን ያለካሳ እየተነጠቁ ነው

መራዊ፡- በምዕራብ ጎጃም ዞን ሜጫ ወረዳ ያለ ፈቃዳችን መሬታቸውን አሳልፈን አንሰጥም ያሉ አርሶ አደሮች እስርና ድብደባ እየደረሰባቸው መሆኑን ከአካባቢው የደረሰን መረጃ ያመለክታል፡፡ በመራዊ አካባቢ ሜጫ ወረዳ እናሸንፋለን ቀበሌ መንግስት የከርሰ ምድር ውሃ ቁፋሮ እናካሂዳለን በሚል ከ400 በላይ የሚሆኑ አርሶ አደሮች ከመሬታቸው እንዲለቁ የተደረገውን እርምጃ አርሶ አደሮቹ በመቃወማቸው እስርና ድብደባ እየደረሰባቸው መሆኑን የነገረ ኢትዮጵያ ምንጮች ጠቁመዋል፡፡

በአካባቢው ከአሁን ቀደም ተመሳሳይ እርምጃዎች የተወሰዱ ሲሆን የአርሶ አደሮቹ መሬት በአበባ ኢንቨስትመንት ላይ ለተሰማሩ ባለሀብቶች ተሰጥቶባቸዋል፡፡ ይህም በአሁኑ ወቅት መንግስት ውሃ ለመቆፈር በሚል አርሶ አደሮቹ ከመሬታቸው እንዲለቁ የሚወስደው እርምጃ በተመሳሳይ ለአበባ እርሻ ሊሰጥባቸው እንደሆነ በማመናቸው ከመሬታቸው አንለቅም ብለዋል፡፡ እስካሁን ለአበባም ሆነ ለሌሎች ተግባራት መንግስት ከአርሶ አደሮቹ መሬት ሲወስድ ያለ ምንም ካሳ በመሆኑ አርሶ አደሮቹ አሁንም ቢሆን ያለ ካሳና ያለምንም ፈቃድ እየተነጠቁ በመሆኑ ተቃውሟቸውን አጠናክረው እንዲቀጥሉ አድርጓዋል፡፡

ከአርሶ አደሮች ባሻገር በከተሞች የሚኖሩ የአርሶ አደሮቹ ቤተሰቦች ጭምርም ችግር እየደረሰባቸው መሆኑን ምንጮች ጨምረው ተናግረዋል፡፡ በተለይም ታሳሪዎቹን የሚጠይቁት የአርሶ አደሮቹ ቤተሰቦችና ሌሎች የአካባቢውና በየከተማው የሚኖሩ ግለሰቦችም ለእስር መዳረጋቸውን ለመረዳት ተችሏል፡፡ አርሶ አደሮቹ መሬታቸውን ያለ ፈቃዳቸው አሳልፈው እንደማይሰጡ በመግለጽ ጠንካራ ተቃውሞ ማንሳታቸውን ተከትሎ በአካባቢው ፖሊስና መከላከያ በብዛት መሰራጨቱን ምንጮች አክለው ገልጸዋል፡፡

በምስራቅ ወለጋ ዜጎች እየተፈናቀሉ ነው

በምስራቅ ወለጋ ስቡ ስሪ ወረዳ ‹‹ይህ አገር የእናንተ አይደለም፡፡ አገራችሁን ግቡ፡፡›› በሚል 200 ያህል አርሶ አደሮች እንደተፈናቀሉ አስታወቁ፡፡

በ1990ዓ.ም ጀምረው በአካባቢው የኖሩት እነዚህ ዜጎች ‹‹የመኖሪያ መታወቂያ ተሰጥቶን፣ውጡ ተብለን እየታሰርንና እየተባረርን እንኳ ግብር እያስከፈሉን፣ ንብረት አፍርተን አገራችሁ አይደለም ተብለን እየተፈናቀልን ነው›› ሲሉ ምሬታቸውን ለዝግጅት ክፍላችን ገልጸዋል፡፡ አርሶ አደሮቹ ከዚህ ቀደም በ1992 በተመሳሳይ ቤትና ንብረታቸው ወድሞ ተፈናቅለው የነበረ ቢሆንም መንግስት እንደገና እንዳቋቋማቸው ይገልጻሉ፡፡

‹‹በአንድ በኩል አገራችሁ አይደለም ውጡ!›› የሚሉት የአካባቢው ባለስልጣናት በሌላ በኩል ደግሞ ‹አካባቢውን ልንሰራበትና ልናሰራበት ነው ይሉናል፡፡ በ1992ም መንግስት እንደገና አቋቁሞናል፡፡ አሁንም ቦታው ከተፈለገ መንግስት ተገቢውን ካሳ ሊሰጠን ይገባል፡፡› ብለን ስንጠይቅ ደግሞ ‹እናንተን መንግስት አያውቃችሁም፡፡ ይሉናል› በሚል እየደረሰባቸው ያለውን ህገ ወጥ ተግባር ይናገራሉ፡፡

ተፈናቃዮቹ ከጥር 22 2006 ዓ.ም ‹‹ለቃችሁ ውጡ፡፡ ለቃችሁ ካልወጣችሁ ለቤትና ንብረታችሁ ብቻ ሳይሆን ለህይወታችሁም ኃላፊነት የላችሁም›› መባላቸውን ከዚህ ጊዜ ጀምሮ ተደጋጋሚ እስራትና ድብደባ እንደደረሰባቸው ለነገረ ኢትዮጵያ ገልጸዋል፡፡

‹‹ለቃችሁ ውጡ!›› በተባሉበት ወቅት አቤቱታ ሲያቅረቡ የነበሩ 42 ሰዎች ያለ ምንም ምግብ ለ30 ቀናት ታስረው መቆየታቸውንና በየጊዜው ፖሊስ ከፍተኛ ድብደባ እንደሚያደርግ ገልጸዋል፡፡ ከቀያችን ተፈናቅለን፣ ልጆቻችን ትምህርታቸውን አቋርጠው፣ በችግር ላይ እንገኛለን የሚሉት ተፈናቃዮቹ ‹‹ሀገርና ተቆርቋሪ የሌለን ዜጎች ሆነናል፡፡ ከ16 አመት በላይ የኖርንበትን ቀያችን ለቀን ወደ የት እንሂድ? የሚመለከታችሁ አካላት ሁሉ በተግባር እርዱን›› ሲሉ መልዕክታቸውን አስተላልፈዋል፡፡ (ምንጭ፡ ነገረ ኢትዮጵያ)

የጋዜጠኞቹና የአክቲቪስቶቹ እስር አሳሳቢ መሆኑን የታመኑ ምንጮች ገለጹ።

ከኢትዮጵያ ጋዜጠኞች መድረክ(ኢጋመ) የተሰጠ መግለጫ የጋዜጠኞቹና የአክቲቪስቶቹ እስር አሳሳቢ ነው፡፡
April 28,2014
ትላንት ሚያዝያ 17 2006 አመሻሽ ላይ ዞን 9 በተሰኘ ድረ ገጽ (ብሎግ) ላይ በሳል ፖለቲካዊና ማህበራዊ ትችቶችን በማቅረብ ከሚታወቁት ፀኀፍት መሀከል 6ቱ ማለትም ማህሌት ፋንታሁን፣ በፍቃዱ ሀይሉ፣ ናትናኤል ፈለቀ፣ ዘላለም ክብረት፣ አጥናፍ ብርሀን፣ አቤል ዋበላ እንዲሁም ጋዜጠኛ ኤዶም ካሳዬ፣ ጋዜጠኛ አስማመው ኃ/ጊዎርጊስ እና ጋዜጠኛ ተስፋለም ወልደየስ በመንግስት የጸጥታ ሀይሎች በቁጥጥር ስር መዋላቸው ይታወቃል፡፡ግለሰቦቹ በተለያየ ቦታ በየስራ ገበታቸው ላይ እያሉ ሁሉም በተመሳሳይ ሰዓት በፀጥታ ሀይሎች ተይዘው በማዕከላዊ ምርመራ ማዕከል ታስረው የሚገኙ ሲሆን፤ የተለያዩ መረጃዎች እንደሚጠቁሙት እስሩ በደንብ የታሰበበት ነበር፡፡

የኢትዮጵያ ጋዜጠኞች መድረክ ታሳሪዎቹ ታሰሩ ከተባለበት ሰዓትና ደቂቃ ጀምሮ የሚገኙበትን አጠቃላይ ሁኔታ ለማጣራት አየሰራ ሲሆን ፤ እስካሁን በሰበሰበው መረጃ መሰረት ልጆቹን ለእስር የሚያበቃ ምን አይነት ማስረጃ እንደተገኘባቸው ለማወቅ አልቻለም፡፡

ሆኖም ግን ለእስር ከመዳረጋቸው በፊት ከመንግስት ሲርስባቸው በነበረው ህገወጥ ድርጊቶች ምክንያት ለረጅም ጊዜ ስራቸዉን ካቋረጡ በኋላ በቅርቡ ወደ ስራ መመለሳቸዉን ይፋ አድርገው እንደ ነበር ከድረ-ገጻቸው ላይ ለመረዳት ችለናል፡፡ ይህ ጉዳይ እስሩን ይበልጥ አሳሳቢ አድርጎብናል፡፡

ስለሆነም የኢትዮጵያ ጋዜጠኞች መድረክ መንግስት ታሳሪዎቹን ለማሰር ያበቃው ተጨባጭ ማስረጃ ካለ ለህዝብ ይፋ እንዲያደርግ፤ ያ ካልሆነ ግን እስረኞቹን በአስቸኳይ ያለምንም ቅድመ ሁኔታ እንዲለቅ እናሳስባለን፡፡

የኢትዮጵያ ጋዜጠኞች መድረክ
አዲስ አበባ ኢትዮጵያ

ሰበር ዜና! በቁጥጥር ሥር የዋሉት ጋዜጠኞችና ጦማርያን ፍርድ ቤት ቀረቡ

ሚያዝያ 17 እና 18 ቀን በፀጥታ ኃይሎች በቁጥጥር ሥር ውለው የነበሩ ሦስት ጋዜጠኞችና ስድስት ጦማርያን (Bloggers) በዕለተ እሑድ ሚያዝያ 19 ቀን 2006 ዓ.ም. ፍርድ ቤት ቀረቡ፡፡

ተጠርጣሪዎቹ ጋዜጠኞች ተስፋዓለም ወልደየስ፣ አስማማው ኃይለጊዮርጊስ፣ ኤዶም ካሳዬ፤ ጦማሪያኑ ደግሞ በፍቃዱ ኃይሉ፣ ማህሌት ፋንታሁን፣ አቤል ዋበላ፣ ዘለዓለም ክብረት (አምቦ ዩኒቨርሲቲ መምህር)፣ አጥናፉ ብርሃኔና ናትናኤል ፈለቀ ናቸው፡፡

ሚያዝያ 19 ቀን 2006 ዓ.ም. በፌደራል የመጀመሪያ ደረጃ ፍርድ ቤት አራዳ ምድብ አንደኛ ወንጀል ችሎት፣ የፌዴራል ፖሊስ ወንጀል መከላከል (ማዕከላዊ) መርማሪ ፖሊስ ያቀረባቸው በፍቃዱ ኃይሉ፣ ማህሌት ፋንታሁን አቤል ዋበላ በአንድ መዝገብ፤ ዘለዓለም ክብረት፣ ተስፋዓለም ወልደየስና አስማማው ኃይለጊዮርጊስ በአንድ መዝገብ እና አጥናፉ ብርሃኔ፣ ናትናኤል ፈለቀና ኤዶም ካሳዬ አንድ ላይ፣ ዘጠኙም ተጠርጣሪዎች ሦስት ሦስት ሆነው ቀርበዋል፡፡

ፖሊስ ተጠርጠሪዎቹ የተጠረጠሩበትን ወንጀል ለፍርድ ቤቱ ሲያስረዳ የመብት ተሟጋች ነን ከሚሉ የውጭ ኃይሎች ጋር በሙሉ ሐሳብና በገንዘብ በመስማማት፣ ሕዝብን የሚያተራምስና አገርና መንግሥትን የሚያፈርስ ዘገባ በኢንተርኔትና በማኅበራዊ ድረ ገጾች ያልሆነ መረጃ በማስተላለፍ መጠርጠራቸውን ማስረዳቱ ታውቋል፡፡ ምርመራውን ባለመጨረሱም 15 ቀናት ተጨማሪ የምርመራ ጊዜ ጠይቆ የ10 እና 11 ቀናት ተጨማሪ ጊዜ ተፈቅዶለታል፡፡ ተጠርጣሪዎቹ መቼና እንዴት ሊታሰሩ እንደቻሉ ማብራሪያ የተጠየቁት በሚኒስትር ዴኤታ ማዕረግ የመንግሥት ኮሙኒኬሽን ጉዳዮች ጽሕፈት ቤት ኃላፊ አቶ ሸመልስ ከማል ‹‹የማውቀው ነገር የለም›› ብለዋል፡፡

Source: Ethiopian Reporter

Ethiopian to Demand John Kerry Raise Human Rights Issue

Demonstration to demand Secretary Kerry raise Human Rights Violations during his upcoming trip to Ethiopia and to show solidarity for jailed Semayawi (Blue) party members, Zone 9 independent Journalists and all Political Prisoners.

A protest demonstration has called for Monday April 28, 2014 in Washington, DC in front of the State Department ahead of Secretary John Kerry’s scheduled visit to Ethiopia. The protest rally is planned to show our solidarity with detained Semayawi Party members, recently arrested independent journalists and bloggers from Zone 9 group and political prisoners and to urge Secretary Kerry to make human rights and freedom of expression as one of his main topics of discussion during his stay in Addis Ababa.

It’s to be recalled that in the last few days, the TPLF lead Ethiopian regime has arrested over 50 Semayawi ( Blue) Party members ahead of their planned peaceful and legal protest rally on Sunday April 27. The regime is also tightening its suffocating grip on freedom of expression in a major crackdown with the arrest of numerous members from independent blogger and activist group ( Zone 9). With still a year to go before the “general elections”, the regime is tightening the screws on its iron curtain on freedom of speech, opinion and thought.

We urge Ethiopians and friends of Ethiopians in Washington DC metro and surrounding areas to join us to express our outrage at TPLF lead governments spiteful action against peaceful political party members, independent journalists and to demand release of political prisoners and to urge Secretary Kerry to make human rights and freedom of expression as one of his main topics during his upcoming visit to Ethiopia.

For more information contact

Semayawi Support-North America

P.O.Box 75860, Washington, DC 20013

semayawiusa.org

info@semayawiusa.org

ሰበር ዜና- እስካሁን ድረስ ሰባት Ethiopian Online Activists and Bloggers በፖሊስ ታድነው ታስረዋል

እስካሁን ድረስ ሰባት Ethiopian Online Activists and Bloggers በፖሊስ ታድነው ታስረዋል። ዘላለም ክብረት፣ ማህሌት ፋንታሁን፣ በፈቃዱ ሀይሉ፣ ናትናኤል ፈለቀ፣ አጥናፍ ብርሃኔ፣ ተስፋአለም ወልደየስና ኤዶም ገላን። የኢህአዴግ ፖሊስ እያደናቸው ይገኛል። የታሳሪዎች ቁጥር ሊጨምር ይችላል። አሳዛኝ የአምባገነኖች እርምጃ! It is so!!!

የሠማያዊ ፓርቲ አባላት መታሰር

ሠማያዊ ፓርቲ በቅስቀሳ ላይ የነበሩ 25 ወጣት አባላቴ ታስረውብኛል፣ ፓርቲው ሥራውን በአግባቡ እንዳያካሂድም መሰናክል እየደረሰበት ነው ሲል አስታወቀ።

በአዲስ አበባ አስተዳደር የሠላማዊ ሠልፍ ማሳወቂያ ክፍል ለፊታችን እሁድ ዕለት ሠልፍ ለማድረግ አሳውቀን ሠልፉን የምናደርግበት ቦታ ቢነገረንም፤ ፖሊስ ግን በሥራችን ላይ እንቅፋት እየፈጠረ ነው ሲል ፓርቲው ወቅሷል። ዘጋቢያችን ዮሐንስ ገብረእግዚአብሔር ስለሁኔታዉ የፓርቲዉን ሊቀመንበር አነጋግሮ ተከታዩን ዘገባ ልኮልናል። ይህ ዘገባ ከተጠናቀረ በኋላ የደረሰን ዜና እንደሚያመለክተዉ ደግሞ የሰማያዊ ፓርቲ ፕሬዚደንት ኢንጂነር ይልቃል ጌትነት፤ ምክትል ፕሬዚደንቱ አቶ ስለሺ ፈይሳ እንዲሁም የፓርቲዉ የሕዝብ ግንኙነት አቶ ብርሃኑ ተክለ ያሬድ ለቅስቀሳ ከፓርቲዉ ጽህፈት ቤት ሲወጡ በፖሊስ ተይዘዉ ተወስደዋል።

ዮሐንስ ገ/እግዚአብሔር

ማንተጋፍቶት ስለሺ

ሸዋዬ ለገሰ

ካልገደሉ አያቆሙንም – ሃብታሙ አያሌዉ (የአንድነት አመራር) ሰልፉን በተመለከተ

April22/2014

ሀገር የመገንጠል ዓላማ ይዞ የተነሳው የህወሓት ጁንታ፣ በስውር እና በአደባባይ የጫካ ልማዱን መሰረት አድርጎ ሲገድል መኖሩ አዲስ ባይሆንም፣ ከሰሞኑ መረር ያለ እርምጃ ‹‹ግድያ›› ማሰቡን ከጓዳው የወጣ የወሬ ምንጭ ደረሰን፡፡

ከጥቂት ደቂቃዎች በፊት በአዲስ አበባ አስተዳደር ጽ/ቤት ተገኝቼ ነበር፡፡ የመገኘቴ ዓላማም የፊታችን እሁድ ሚያዚያ 26 የሚደረገውን ሰላማዊ ሰልፍ አስመልክቶ የዕውቅና ደብዳቤውን ለመስጠት የተያዘውን ቀጠሮ በማክበር ነበር፡፡

የሰላማዊ ሰልፍ እውቅናን በተመለከተ ኃላፊ የሆኑት አቶ ማርቆስ ፎርም እንዲሞላ አዘዙ፤ የተባለውን ፎርም ሞላን፤ ያን ጊዜ የአቶ ማርቆስ የቢሮ ስልክ አንቃጨለ፤ አነሱት ……ቀጭን ትዕዛዝ ከወዲያ ማዶ……………

‹‹የአንድነትን ሰላማዊ ሰልፍ በተመለከተ ዕውቅናው እንዳይሰጥ ይቆይ›› አቶ ማርቆስ ፊቱ ተለዋወጠ ‹‹ ይቅርታ አድርግልኝ የኔ ችግር አይደለም›› ሌላ ቃል ካፉ አልወጣም፡፡

«አልገባኝም ….ቀጠልኩ ….የአንድነት ሰላማዊ ሰልፍ ተከለከለ እያልከኝ ነው ? »

መለሰ …..«እኔ ምን ላድርግ ? …..»

«የከለከለው ማነው የበላይ ኃላፊ ነው ? »

«አዎ» አጭር መልስ፡፡

ትቼው ወደ ከንቲባ ጽ/ቤት ኃላፊው አመራሁ፤ ስብሰባ ላይ ናቸው፡፡ ወደ ፓርቲ ጽ/ቤት ደውዬ ሁኔታውን አሳወኩ። የፓርቲው ፕሬዘዳንት ኢንጅነር ግዛቸውን ጨምሮ በርካታ አመራሮች ፈጥነው ደረሱ፡፡ የአስተዳደሩ ስብሰባም ለሻይ እረፍት ተቋርጦ ኃላፊው ወደ ቢሯቸው ሲገቡ ተከታትለን ገባን፡፡ ላለማናገር ጥቂት አንገራገሩ ። የቢሯቸውን በር አንቀን አናግሩን በማለት ጸናን፡፡

‹‹ምንድነው ችግሩ የሰልፉ ጉዳይ ከሆነ ጨርሰናል፤ እውቅናውን ወሰዳችሁ አይደለም ? ›› አሉ።

ባጭሩ መልስ ተሰጣቸው ፤ «አልወሰድንም ። የአቶ ማርቆስ መልስ ተከልክሏል የሚል ነው፡፡ »

ጥያቄ አስከተልን ……«እርሰዎ መረጃ የለዎትም ? መንግስታዊ ኃላፊነቱ የርስዎ ነው፤ ማነው ከልካዩና ፈቃጁ ? »

መልስ የለም ። ጥቂት ዝም ብለው ‹‹የጠየቃችሁን ሚያዚያ 19 ለማድረግ ነበር፡፡ በዚያ ቀን የአዲስ አበባ ፖሊስ ኮሚሽን የጥበቃ እጥረት አለብኝ በማለት ስላመለከተ የእናንተ ሰልፍ ለሚያዚያ 26 እንዲደረግ ጠየቅናችሁ ። ተስማማን ከዚህ ውጪ የተደረገ ነገር ካለ በኔ በኩል መረጃ የለኝም። ማን እንደከለከለ አናውቅም››

« ስለዚህ ይህንን ከተማ ከንቲባው ካልሆነ ማን ነው የሚመራው? »

ከወዲያ ማዶ መልስ የለም……….ስልክ አነሱ እና አቶ ማርቆስን ወደ ቢሯቸው ጠሩ ። ሰውዬው መጡ ። ማጣሪያ ተጠየቁ። «መመሪያ ደርሶኛል» ሲሉ ለከንቲባው ጽ/ቤት ኃላፊ በኛው ፊት ተናገሩ፡፡ «መመሪያ ሰጪው ማነው?» ወደ አንዱ ቢሮ ዘው ብለን አንድ ሰው አናገርን ………..

‹‹እባካችሁ ይቅርባችሁ ደህንነቶቹ የሚውሉት እዚህ ግቢ ነው፡፡ አንድነቶች ከወጡ እርምጃ ይወሰድ ሲሉ ሰምቻለሁ›› አለን በማንሾካሾክ ድምጽ ………….

ጎበዝ ይሙት ሰነፍ ይኑር ቢሻው
አተላ መሸከም ይችላል ትከሻው………..
ፍርሃት ማነው ቢሉኝ ስሙን አላውቀውም
ሞትን በቁሜ እንጂ ሞቼ አልጠብቀውም፡፡

………………..ህወሓት ሊተኩስ ተዘጋጅቷል እኛም የነሱን ጥይት የሚሸከም ደረት …….እመነኝ ካልገደሉ አያቆሙንም፡፡፡

የሶማሊያና የአፋር ጎሳዎች ተጋጩ “ፌደራል ፖሊስ ከመጠን በላይ ኃይል ተጠቀመ

የሶማሌ ብሔራዊ ክልልና የአፋር ብሔራዊ ክልሎች በሚዋሰኑበት አካባቢ የሚኖሩ ጎሳዎች መካከል ግጭት ተከሰተ። ግጭቱን ለማረጋጋት ጣልቃ ገብቷል የተባለው የፌደራል ፖሊሲ ለአንዱ ጎሳ በመወገን ከመጠን በላይ የኃይል እርምጃ ወስዷል መባሉን የፌዴራል ጉዳዮች ሚኒስቴር አስተባብሏል።

ባለፈው ቅዳሜ (ሚያዚያ 11 ቀን 2006 ዓ.ም) በተቀሰቀሰው በዚሁ የጎሳ ግጭት የሰው ሕይወትና የንብረት መውደም ማጋጠሙን ከስፍራው ያገኘነው መረጃ ያመለክታል። ግጭቱ የተቀሰቀሰው በሶማሌ የሐዋያ ጎሳና በአፋር ጎሳዎች መካከል ነው። በግጭቱም በርካታ ንብረት ከመውደሙ ባሻገር ለጊዜው ቁጥራቸው ያልታወቁ ሰዎች መሞታቸውን እንዲሁም ከጀቡቲ ወደአዲስ አበባ በሚያቀናው መንገድ የሚጓጓዙ የጭነት ተሽከርካሪዎችም ለመንቀሳቀስ ተቸግረው እንደነበረም የደረሰን መረጃ ያመለክታል።

በፌደራል ጉዳዮች ሚኒስቴር የሕዝብ ግንኙነት ኃላፊ አቶ አበበ ወርቁ ግጭቱን በተመለከተ ተጠይቀው በሁለቱ ጎሳዎች መካከል የተባለው ግጭት መቀስቀሱን አምነው ከሁለቱ ክልሎች የፀጥታ ኃይሎች ግጭቱን ለማብረድ መሞከራቸውንና በተጨማሪም በአካባቢው የሚገኘው የፌደራል ፖሊስ በተሰጠው ፈቃድ መሠረት የማረጋጋት ስራ መስራቱን ተናግረዋል።

ከቅዳሜ በኋላ ሁከቱ በቁጥጥር ስር መዋሉን የጠቀሱት ህዝብ ግንኙነት ኃላፊው ግጭቱን ተከትሎ በርካታ እውነተኛ ያልሆነ መረጃ መናፈሱን፣ በተለይም የፌዴራል ፖሊስ ለአንድ ጐሳ ወግኖ ሌላኛውን አጥቅቷል መባሉ ከእውነት የራቀ መሆኑን ጠቅሰው ፌደራል ፖሊስ ሕዝባዊ ፖሊስ ነው ሲሉ ተከራክረዋል።

ከግጭቱ በኋላ የወጡ መረጃዎች ፌዴራል ፖሊስ በወሰደው እርምጃ ሰዎች ህይወታቸውን ማጣታቸውን ዘግበዋል። አቶ አበበ ግጭት በሚኖርበት ሰዓት የሰው ህይወትና ንብረት ሊወድም እንደሚችል አስታውሰው ሁለቱ ጎሳዎች መካከል የፀጥታ ኃይሉ እስኪደርስ ድረስ እርስ በርስ በሚፈጠረው ግጭት ጉዳት ሊደርስ እንደሚችልም ተናግረዋል። መስሪያቤታቸውም በግጭቱ የምን ያህል ሰው ህይወት ጠፍቷል፣ ምን ያህል ንብረት ወድሟል የሚለውን ለማወቅ ወደ ስፍራው አጣሪ ቡድን መላኩንም አያይዘው ተናግረዋል።

የግጭቱ መንስኤ በአካባቢው የአርብቶ አደሮች አካባቢ እንደመሆኑ መጠን በግጦሽና በውሃ እጥረት ሊቀሰቀስ ቢችልም፤ ሌሎች ከጎሳ ጋር ተያያዥ መቃቃሮች በመኖራቸው ግጭቱ ከግለሰብ ተነስቶ ወደጎሳ መስፋቱን አስረድተዋል። ሁሉም ባይሆንም የአካባቢው ባለስልጣናትም ግጭቱን በማባባስ በኩል ሚና እንዳላቸውም አስረድተዋል።

በሁለቱ ጎሳዎች መካከል የአሁኑ ግጭት በተመሳሳይ ባለፈው ዓመት ተቀስቅሶ የሰው ህይወትና በርካታ ንብረት መውደሙ ይታወሳል።

ሰንደቅ ጋዜጣ እንደዘገበው

ከአገር መውጣት የማይችሉ ባለሥልጣናት በጭንቀት ውስጥ ናቸው

"አሁን ያለው ኢህአዴግ ላዩ በቀለም ቀቢ የተዋበ ይመስላል"

ኢህአዴግ በሙስና ስም የ”ማጥራት ዘመቻ” ማካሄዱን ተከትሎ የተከሰተው አለመተማመንና እርስ በርስ በጥርጥር የመተያየት ችግር ካድሬውን ማስጨነቁ ተጠቆመ። ኢህአዴግን ለመሰናበት የሚፈልጉ በርካታ ካድሬዎች “ለምን” በሚል የሚቀርብላቸውን ጥያቄ በመፍራት የግድ ፓርቲውን መስለው እንደሚኖሩ ተገለጸ።

የጎልጉል የአዲስ አበባ ዘጋቢ ቀደም ሲል ኢህአዴግን ተሰናብተው የወጡና በተለያዩ የውጪ ድርጅቶች ውስጥ ተቀጥረው በማገልገል ላይ ካሉ ያገኘውን መረጃ በመጥቀስ እንደዘገበው፣ የቀድሞ የትግል ጓደኞቻቸው “በደህና ጊዜ ተገላገልክ” በሚል በፓርቲው ውስጥ ችግር ስለመኖሩ እየነገሯቸው ነው። አብዛኞቹ ኢህአዴግን ተለይተው በሰላም ስለመኖር እንደሚያስቡ ነው የተሰማው።

የቤተሰቦቻቸው የወደፊት እድልና የነሱ በፍርሃትና በጭንቀት መኖር አሳዛኝ እንደሆነ የነገሩት የቀድሞ የኢህአዴግ ሰዎች “አሁን ያለው ኢህአዴግ በቀለም ቀቢ የተዋበ ይመስላል” በማለት አንድ በሚኒስትር ዲኤታ ማዕረግ እያገለገለ ያለ የቀድሞ ጓደኛቸው እንደነገራቸው ገልጸዋል።

ለስራ እንኳን ካገር መውጣት የማይችሉ ባለስልጣኖች እንዳሉ ዘጋቢያችን አመልክቷል። በተቀመጡበት ሃላፊነት ወደ ውጪ የሚያስኬድ አጋጣሚ ሲኖር የሚከለከሉ እንዳሉም ያገኛቸውን መረጃዎች ጠቅሶ ዘግቧል። ለሃላፊዎቹ ደህንነት ሲባል የሚሰሩበትን ተቋምና ስም መናገር እንደማይችሉ በመጥቀስ መረጃውን የሰጡት ክፍሎች “ባለስልጣኖቹ በመካከላቸው እርስ በርስ መተማማን ስለማይችሉ ችግራቸውን መወያየት እንኳን አይችሉም” ብለዋል፡፡

“በጣም የሚቀርቡኝ ጓደኞቼ ገንዘብ ወደ ውጪ እንድወስድላቸው እስከመጠየቅ ደርሰዋል” ሲሉ የገለጹት የቀድሞ የኢህአዴግ ባለስልጣን፣ ፓርቲው በሙስና ስም ያካሄደው የሽግግር ወቅት የማጥራት ርምጃ የፈጠረው ስሜት አሁን ድረስ እንዳለ ጠቁመዋል።

ሰሞኑንን ወደ አሜሪካ ያቀኑ የቀድሞ የኢህአዴግ ሰው በማግኘት ተመሳሳይ መረጃ ያሰባሰበው ዘጋቢያችን “ኢህአዴግ በከፍተኛ የመበስበስ አደጋ ውስጥ ይገኛል። በዚህም የተነሳ ካድሬው ተዥጎርጉሯል” ሲል ሪፖርት አድርጓል። ኢህአዴግ በውስጥ ያለበትን ችግር ለማድበስበስ የአባይ ግድብ ላይ ትኩረት በመስጠት “የንቅናቄ ሃይል” በማስፋፋት ላይ እንደሆነም ጠቁሟል።

ድፍን ህዝብ የአባይ ግድብን አስመልክቶ ያለው ስሜት በበጎ መልኩ የሚታይ በመሆኑ ኢህአዴግ ይህንኑ የህዝብ ስሜት ለቅስቀሳና ለበሽታው መደበቂያ ለማድረግ እየተጠቀመበት እንደሆነ ተጠቁሟል። የህጻናት ፕሮግራሞች ሳይቀሩ አባይ ላይ ያነጣጠሩ ቅስቀሳዎች እያስተላለፉ መሆናቸውን ያመለከቱት ሰው፣ “ስለ አባይ ግድብ የሚባለውና የሚሰራው ፕሮግራም ችግር የለውም። በአግባቡ ቢሰራበት ብሔራዊ ስሜት ሊገነባበትም በተቻለ ነበር። ይሁን እንጂ ዓለማው የችግር ማለባበሻ እንዲሆን መደረጉ ነው” ብለዋል።

“መለስ ኢትዮጵያን ቢወድ ኖሮ ከባድመ ጦርነት በኋላ የፈረሰውን ብሔራዊ አንድነትና መግባባት መልሶ መትከል ይቻል ነበር” በማለት የተናገሩት እኚሁ ሰው “በወቅቱ ይህንን ሃሳብ ያነሱ ሰዎች ነበሩ” ሲሉ ቁጭታቸውን ይሰነዝራሉ። በማያያዝም ኢህአዴግ የአባይን ግድብ ተንተርሶ ብሔራዊ አንድነት የሚገነባበት፣ መቀራረብና በጠረጴዛ ዙሪያ በመነጋገር ብሔራዊ መግባባት የሚደረስበት፣ ለወደፊቷ ኢትዮጵያ መሰረት የሚጣልበት ቢያደርገው እውነተኛው የኢትዮጵያ ህዳሴ ሊሆን እንደሚችል ጠቁመዋል።

በተመሳሳይ ጠቅላይ ሚኒስትር ሃይለማርያም ደሳለኝን በውጪ ጉዳይ ሚኒስትር ቴድሮስ አድሃኖም ለመተካት ህዋሀቶች የሚያደርጉት ሽርጉድ ችግር ሊያስከትል እንደሚችል ሪፖርት መቅረቡ ተሰምቷል። ይኽው ሪፖርት የቀረበላቸው ክፍሎች ቀደም ሲል እንዳደረጉት የህወሃትን ከፍተኛ አመራሮች በማነጋገር ስህተት እንዳይሰሩ እየወተወቱ ነው።

ደሴዎች ሆይ ! ቁጭታችሁ ቁጭታችን፤ ብሶታችሁ ብሶታችን ነው።

በደሴ ሚሊየኖች የመሬት ባለቤት እንሁን ሲሉ ድምጻቸውን ከፍ አድርገው ጩኽዋል።መሬት ክብር ነው። መሬት ሃብት ነው። መሬት ማንነትም ነው። ይህ ክብር፤ ይህ ሃብት፤ ይህ ማንነት ከህዝቡ ላይ ተወስዷል። በኢትዮጵያ ውስጥ የመሬቱ ባለቤት ህወሃት-ኢሕአዴግ ነው። ይሄ ቡድን መሬቱን ብቻ ሳይሆን ህዝቡንም “የእኔ ንብረት ነው” የሚል አስተሳሰብ አሳድሯል። በዚህ አስተሳሰቡም የወደደውን ሲተክል፤ የጠላውን ሲነቅል ብዙ ዓመት ኑሯል። ከዝያም “ህዝቡ ተኛ ብንለው ይተኛል፤ ተነስ ስንለውም ይነሳል” እያለም ይሳለቃል። እውነት ነው መሬት አልባ የሆነ ዜጋ ተኛ ሲባል ከመተኛት፤ ተነስ ሲባልም ከመነሳት ሌላ ምን የተሻለ አማራጭ አለው? ለዚህ አማራጭ ላጣ ህዝብ አማራጭ ይኖረው ዘንድ የምትተጉ ወገኖችን ከልብ እናደንቃለን።

የደሴውን ሰልፍ ያዘጋጃችሁ ዜጎች ተስፋ አለመቁረጣችሁ ይደነቃል። ከፍ አድርጋችሁ የጮኻችሁት ጩኽት በኢትዮጵያ ውስጥ ከዳር አሰክ ዳር ተስተጋብቷል። ይሄን ድምፅ ያልሰማው ህወሃት-ኢሕአዴግ ብቻ ነው። ይሄ ቡድን “ማን አባቱ ይጠይቀኛል” የሚል ከንቱ እብሪት ዓይኖቹ እንዳያዩ፤ ጆሮዎቹም እንዳይሰሙ ስላገዱት የሰልፉን ድምፅ አላየሁምም አልሰማሁምም ብሏል። ህወሃት ማስተዋል የሚችል ቢሆን ኑሮ ይሄን ድምፅ አድምጦ መልስ ቢሰጥ እንደሚበጀው ያውቅ ነበር። ግን ምን ያደርጋል “እኔ ከሞትኩ ሠርዶ አይበቀል” የምትለዋን እንስሳ መምሰልን የመረጠ ቡድን በመሆኑ ይሄን መሰሉን ድምፅ ሲሰማ “እኔ የኢያሪኮ ግንብ አይደለሁም በጩኸት የምናደው ” እያለ ይሳለቃል።እንዲያውም “የእኔን ፖሊስ ማስቀየር የሚቻለው በመቃብሬ ላይ ነው” እያለ እንደሚፎክርም መታወቅ አለበት።

ህወሃት-ኢሕአዴግ መንግስት ሊሸከመው የሚገባውን አገራዊ ኃላፊነት ለመሸከም ብቃት ያለው ቡድን አይደለም። ይሄ ቡድን የመንግስት ቅርፅና መልክ የለውም። የዚህ ቡድን መልኩና ቅርፁ “የመርሲነሪስ” መልክና ቅርፅ ነው። ይህን መልክና ቅርፅ የያዘን ቡድን ነጭ ሪባን እያውለበለብኩ ከያዘው የጥፋት ጎዳና እመልሰዋለሁ ብሎ ማመን ለእኛ የሚቻል አይደለም። የማይቻለውን ይቻላል ብላችሁ የተነሳችሁ ወገኖች ትዕግስታችሁን እናደንቃለን። ህወሃት ከሆነው ወይም ከተናገረው ውጪ ሌላ ስብዕና የለውም። የያዝኩት የጥፋት መንገድ የሚቀየረው በመቃብሬ ላይ ነው፤ ፖሊሲየን ለማስቀየር የሚፈልግ ካለም በሊማሊሞ በኩል ብቅ ይበል ማለቱ እውነት ነው። እኛ ይሄን እውነት አምነናል። የእናንተን ትጋትና ት ዕግስት ግን ከልብ እናደንቃለን።

ሠላማዊ ሠልፍ ማድረግ የዜጎች የማይገሰሰ መብት ነበር። ህወሃቶች ፅፈው ለህዝቡ የሰጡት ህግ መንግስትም ይሄን ይመስከራል። ሠላማዊ ሰልፍ ለማድረግ ማሳወቅ እንጂ ፈቃድ መጠየቅ አያሰፈልግም የሚል ህግም አለ። ህወሃት-ኢሕአዴጎች ግን በዚህ ቀን አልፈቀድንም፤ በዚህ አካባቢ ከልክለናል እያሉ ራሳቸው የሠሩትን ህግ ከአፈር ይቀላቅሉታል። በዚህም የዜጎችን የመሰብሰብ መብት ይጥሳሉ። ጣሊያኖች በአገራችን በቆዩባት በዚያች አጭር ዓመታት ውስጥ ኢትዮጵያዊያንን በዚህ በኩል አትለፉ፤ በዚያ በታች በኩል ሂዱ እያሉ ያንገላቱ ነበር። ህወሃት-ኢሕአዴጎችም ቀኝ ገዢዎች የሚፈፅሙትን ዓይነት አድሎ በዜጎች ላይ እየፈፀሙ ይገኛሉ። ኢትዮጵያዊያን በመስቀል አደባባይ መስበስብ ሲከለከሉ፤ ህወሃት-ኢሕአዴጋዊያን ግን በመስቀል አደባባይ ከበሯቸውን እየደለቁ በደስታ ይጨፍሩበታል ማንስ ይከለክለናል እያሉ ያዜሙበታል።

እንግዲህ እንዲህ ዓይነቱን ክፉና ዘረኛ ቡድንን በሰላም አደብ ለማስገዛት የምትጥሩ ወገኖች በርቱ።ባለፈው በባህር ዳር የተደረገው የተቃውሞ ሠልፍ በግሩም ሁኔታ ተጠናቋል። ከባዶ ጭንቅላት ባዶ እግር እንደሚሻልም አስተምሯል። ከሠልፉ በኋላ መንግስት ነኝ ከሚለው አካል የተሰጠ መልስ የለም።ዓለምነህ መኮንን ግን እሰከ አሁን በወንበሩ ላይ አለ። አሁን ደግሞ በደሴ “ የሚሊየኖች ድምፅ ለመሬት ባለቤትነት” በሚል መሪ ቃል ሠልፍ ተደርጓል። ይሄም በግሩም ሁኔታ ተጠናቋል። አሁንም መልስ የሚሰጥ አካል ብቅ አለማለት ብቻ ሳይሆን ሠልፉን የሰማም አይመስልም። ነገ ደግሞ በአዲስ አበባና በሌሎች አካባቢ ሌላ ሰልፍ ይደረጋል።ይሄም ግሩም ሃሳብ ነው።ከሰልፉ በኋላ የህዝቡን ሮሮ ሰምቶ መልስ የሚሰጥ አካል ይኖር እንደሆነ አብረን እናያለን።

ኢትዮጵያዊያን መከራችን ቡዙ ነው።ዋነኛው የመከራችን ምንጭ ግን ህወሃት-ኢሕአዴግ ነው። በአሁን ሠዓት በኢትዮጵያችን ከተጋረጠው ችጋር በላይ ችግር የሚሆንብን ህወሃት ነው። ይሄ ዘረኛ ቡድን የመከላከያ ኃይሉን፤ የደህንነት ተቋሙን፤ የንግድ አምባዎችን ያቆመበት መሠረት ከሶሪያው አሳድ አገዛዝ ጋር አንድ ነው። ዛሬ ሶሪያ የገባችበት መከራ በቀላሉ የሚቋጭ አልሆነም። ምክንያቱም የስልጣኑን እርከን የተቆጣጠሩት ቡድኖች መሠረታቸውን ያቆሙት በጎሳ ላይ በመሆኑ ነው። የህወሃት መሠረቱ ጎሳ ነው። በጎሳ ተደራጅቶ የሌላውን ጎሳ ሲያንገላታ እነሆ ሁለት አሥርተ ዓመታት ሞላው። በጎሳ ተደራጅቶ ሌላውን ሲዘርፍ ብዙ ዓመት ተቆጠረ። ሌላው ጦሙን ሲያድር እርሱ ብቻ በልቶ የሚያድር ሆነ። የሌላው ልጅ በበርሃ ቀልጦ ሲቀር፤ ገሚሱ የአዞ እራት ሲሆን የእርሱ ልጆች ግን በአውሮፓና በአሜሪካን ለትምህርት የሚላኩ ሆኑ። በህወሃት የሚፈፀመውን አድልዎ በቃል ለመግለፅ ከምንችለው በላይ ነው። እንዲህ መሠረቱን በአድልዎና በጎሳ ላይ ያቆመ ቡድንን ከተቆናጠጠበት የዝሪፊያ ወንበር ላይ ለማውረድ የሚጠይቀው መሥዋዕትነት በቀላሉ የሚገመት አይሆንም። እስከ አሁንም ብዙ መሥዋዕትነት ተከፍሏል። ገና ወደፊትም ብዙ መሥዋዕትነት ይጠይቃል። ለዚህ ራስን በቅጡ አደራጅቶና ተባብሮ መታገል ግዜው የሚጠይቀው ታሪካዊ ግዴታ ሁኗል።

የመንግስት ሳይሆን የወሮ በላ መልክና ቅርፅ ካለው ቡድን ፊለፊት ቆማችሁ በየቦታው የምታሰሙት የተቃውሞ ድምፅ መልካም ነው።ብዙ መሥዋዕትነትም እያሰከፈላችሁ እንደሆነ እንገነዘባለን። ይሄ የምትከፍሉት መሥዋዕትነት በከንቱ እንዳይሆን ግን አጥብቆ ማሰብ ይገባል። እስከ አሁን ብዙ ጥያቄዎች ተነስተዋል። የአማራን ህዝብ ያዋረደው ግለሰብ ለፍርድ ይቅረብ የሚል ድምፅ በባህር ዳር ተስተጋብቷል። የአማራን ህዝብ የሰደበው ግለሰብ ግን እኔ አልተሳደብኩም፤ ተቃዋሚዎች ቆርጠው ቀጥለው ያቀረቡት ነው እያለ ይሳለቃል። በሌላ በኩል ደግሞ በከተማዋ ውስጥ ያሉትን ኮምፒውተሮች ለቃቅሞ መረጃውን የላከውን ዜጋ ፍለጋ ሌሎች ዜጎችን እያሰቃየ ይገኛል። ይህን መሰሉን ንቀት ልንሸከም አይገባንም። ህወሃት-ኢሕ አዴጎች ለህዝብ ጥያቄ መልስ እንዳይሰጡ ያደረጋቸው ምን እንደሆነ እንደገና መጠየቅ ይኖርበታል። የሚመራውን ህዝብ የሰደበ ግለሰብ ለፍርድ መቅረቡ አግባብ ነው። ይሄ ስደብ ግን የግለሰብ አፍ ወለምታ ሳይሆን የድርጅቱ አቋም ነው። ድርጅቱ ለፍርድ ሊቀርብ አይችልም። አዎን ኢሕኢደግ አይከሰሰም፤ ሰማይም አይታረስም የሚል ተረት አላቸው። እንግዲህ ምን ይሻላል? ይሄ ዘረኛና ዘራፊ ቡድን ትክክለኛውን መልስ እስኪሰጥ ድረስ ትግሉ ተጠናክሮ መቀጠል ይኖርበታል። ትክክለኛዋ መልስ ደግሞ ሰዳቢው ለፍርድ መቅረብ ብቻ ሳይሆን ፍትህ፤ እኩልነት እና ነፃነት በዚያች አገር ነግሰው መታየት ነው።

የተከበራችሁ ያገራችን ዜጎች አገራችን ያለችበት ችግር ከእሪታ በላይ ነው። እሪ ብንልም የሚሰማ መንግስት የለንም። የሚሰማ መንግስት የለም ተብሎ ዝም ማለት ግን ትክክለኛ ምርጫ አይደለም። በሚቻለው መንገድ ሁሉ በጫንቃችን ላይ ቁጢጢ ያሉ ወሮበላዎችን ማስወገድ ግድ ነው። ህወሃት-ኢህአዴጎች ሳይፈለጉ በዜጎች ጫንቃ ላይ ቁጢጢ ብለው ሃያ ዓመት አለፋቸው።”ሳንፈልጋቸው ሃያ ዓመታቸው” የሚባል ቅኔ ቢዘረፍላቸውም አልገባቸውም። የእነርሱ ምኞት ሌላውን ሁሉ እንደ ሰም አቅልጦ፤ እንደብረት ቀጥቅጦ መግዛት ነው። ሁል ግዜ እነርሱ ከላይ፤ ሌላው ሁሉ ከታች እነርሱን ተሸክሞ እንዲኖር ብርቱ ምኞት አላቸው። ይሄንንም እውን ለማድረግ ራሳቸውን ህግ አድርገው ቀርፀዋል። የአገሪቷም ፍትህ በእነርሱ ስሜት እየተወሰነ ዜጎችን ለማጥቂያነት ውሏል። የፍትሁን ሥርዓት አፈር ከድሜ ካስገቡት በኋላ ሰለዴሞክራሲ ሊነግሩን ሲነሱ የዓይናቸው ሽፋሽፍት እንኳ አይርገበገብም። እነዚህ ቡድኖች ጭካኔን ከጀግንነት መለየት የማይችሉ ፍፁም ርህራሄ የሌላቸው ናቸው። ይሄን ቡድን ነጭ ሪባን እያውለበለቡ ከተቆናጠጡበት ወንበር የማውረዱ ትግል ቢሳካ ለሁላችንም እፎይታ ይሆን ነበር።እኛ ግን ህወሃት-ኢሕአዴግ በሠላማዊ መንገድ ስልጣኑን ለህዝብ ያስረክባል የሚል እምነት የለንም።

የተከበራችሁ ወገኖቻችን !

እንግዲህ እናንተም በያዛችሁት መንገድ እንዲሳካላችሁ እንመኛለን። እኛም በአገራችን ፍትህ፤ እኩልነት እና ሙሉ ነፃነት እስከሚሰፍን ድረስ የጀመርነውን ትግል አጠናክረን እንቀጥላለን። የእኛም ሆነ የእናንተ መዳረሻ ግቡ አንድና አንድ ነው። አገራችን ከዘረኞችና ከዘራፊዎች ፀድታ፤ ፍትህ እኩልነትና ነፃነት ነግሶ፤ እውነተኛ ዴሞክራሲያዊ ሥርዓት ተገንብቶ እና ሠላም ሠፍኖ ማየት ነው ግባችን።እኛ በሊማሊሞ በኩል ብቅ በሉ ያሉትን ሰምተን በዚያው አያቶቻችን ባለፉበት የነፃነት መንገድ ልንጓዝ ስንቃችንን እያሰናዳን ነው። የአያቶቻችንን ጋሻና ጦር ከተሰቀለበት አውርደን እየወለወልን ነው። ከእንግዲህ ወዲያ ከህወሃት-ኢሕአዴግ የምንጠብቀው ምንም በጎ ነገር የለም። እነርሱ ተጭነውን፤ እኛ ተሸክመናቸው ለዘላለም አንኖርም። እነርሱ ሰጪ እኛ ተቀባይ፤ እነርሱ ፈቃድ ሰጪ እነርሱ ፈቃድ ከልካይ ሆነን ለዘላለም አንኖርም። ለነፃነት የሚከፈለውን ማንኛውንም መሥዋዕትነት ለመክፈል ሳናቅማማ ተነስተናል።

በመጨረሻም ለህወሃቶች እንዲህ እንላችኋለን “ነፃነታችንን ስጡን ወይም ነፍሳችንን እንኳት” አበቃን።

ድል ለኢትዮጵያ ህዝብ!!!